Nangin madinalag-on ang simultaneous inoculation sang COVID vaccine sa napulo ka mga vaccination centers sa ciudad sang Bacolod kaina sang aga.
Mismo si Bacolod City Councilor Renecito Novero, chairman sang vaccination centers team sang Bacolod COVID Vaccination Council, ang naglibot sa mga vaccination centers antes ang inoculation alas-8:00 sa aga tubtub alas-12:00 sa udto.
Napulo ka barangay health workers ang napabakuna sa kada vaccination center ukon kabug-usan nga 100.
Ang vaccination centers ang ginalakipan sang gymnasium sang Barangay Handumanan, Barangay 39, Banago Elementary School 1, Barangay Granada, Mansilingan Agro-Industrial High School, Punta Taytay, Pahanocoy, Taculing-Gonzaga gym, Barangay Alijis kag Andres Bonifacio Elementary School 1.
Ang mga barangay health workers ang naga-edad sang 18 tubtub 59 bangud Sinovac vaccines ang itublok sa ila.
Nahibaluan nga indi pwede sa senior citizens ang Sinovac COVID vaccine.
Ang Sinovac vaccines nga gamiton bwas ang gindugang sang Department of Health sa una nga batch sang bakuna nga ginhatag sa ciudad sang Marso 5 para sa mga medical workers sa mga ospital sa Bacolod nga naubos na administer.
