Naggradwar na ang singer nga si Noel Cabangon sa Philippine Women’s University sa Bachelor of Music major in Popular Music degree sa idalum sang Expanded Tertiary Education Equivalency and Accreditation Program.
Gin-share sang 60 anyos nga singer ang mga pictures sang graduation sini nga ginhiwat sa Philippine International Convention Center sa Pasay City kun sa diin nagkanta ini para sa iya fellow graduates.
Mensahe ni Cabangon, magpadayon sa paglab-ot sang handum kaangay sa iya.
Gincongratulate si Cabangon sang mga abyan sini nga sanday Ogie Alcasid, Dingdong Avanzado, Elmer Borlongan, kag former senator Bam Aquino.
Iban sa mga kanta ni Cabangon nga nagsikat amo ang Kanlungan, Kahit Maputi Na Ang Buhok Ko, Tuloy Pa Rin, Kay Ganda Ng Ating Musika, Tuwing Umuulan At Kapiling Ka kag Ipagpatawad mo.
