Wala sang nagpauli nga luhaan matapos magpaindis-indis ang mga tribu sa syudad sang Kabankalan kadungan sang highlights sa ginpatigayon nga Sinulog Festival kahapon.
Ang nagchampion nga tribu sa Sinulog Tribal Competition ang nakakuha sang P2,000,000.00 nga balor sang proyekto sa Barangay kag P120, 000.00 cash; 1st Runner-Up, nakakuha sang P1,500,000.00 nga balor sang proyekto sa Barangay kag P100,000.00 nga cash; 2nd Runner-Up nakakuha sang P1,000,000.00 nga balor sang proyekto sa Barangay kag P80, 000.00 cash; 3rd Runner-Up nakakuha sang P750,000.00 nga balor sang proyekto sa Barangay kag P50,000.00 nga cash samtang ang apat ka nabilin nga tribu ang nakakuha sang Consolation Prizes nga P300,000.00 nga balor sang barangay projects kag P30,000 cash.
Samtang sa special awards, ang Best in Street Dancing ang nakakuha sang P20, 000.00 cash; Best in Choreography ang nakakuha sang P10,000 ; Best in Costume, P10,000.00; Best in Costume Design Special Award para sa Designer ang nakakuha sang P10, 000.00 samtang Best in Tribal Banner Special Award para sa Designer ang nakakuha sang P10,000.00.
Santo sa ginpagwa nga official result sang Tourism Office sang Kabankalan para sa nagtakop nga Sinulog Festival, nagchampion ang Barangay Camingawan sa ginpatigayon nga Sinulog Tribal Competition kahapon sa syudad sang Kabankalan, Negros Occidental.
1st Runner-Up ang Barangay Tapi, 2nd Runner Up ang Barangay Binicuil samtang 3rd Runner-Up naman ang Barangay 6.
Nakuha sang Barangay Camingawan ang Best in Street Dancing; Best in Choreography; Best in Costume; Best in Tribal Banner kag Best in Tribal Queen.
Samtang, nakuha naman sang Barangay 6 ang Special Award for the designer.
Sa Fluvial Parade Competition naman, nagchampion ang Barangay Tabugon.
1st Runner-Up ang Barangay Hilamonan kag 2nd Runner-Up ang Barangay Daan Banwa.
Nakuha sang Barangay Tabugon ang Most Unique kag Best in Religiousity samtang ang Best in Discipline nakuha sang Barangay 8.
