Nagpatigayon sang inspection ang Sipalay City Disaster Risk Reduction and Management Office sa mga buildings sa ciudad matapos ang 5.1 magnitude nga linog kahapon.
Sa interview sang Bombo Radyo Bacolod kay Sipalay CDRRMO Head Dionilo Bogtae, sa ginpatigayon nga inspection nakita nga may yara sang gamay nga litik ang New Government Center sa Sipalay kag mga school building.
Suno kay Bogtae, ang epicenter sang linog ang yara sa Negros Trench nga nagaatubang sa Sipalay City.
Ang 5.1 magnitude nga linog ang pinakamabaskog nga pagtay-og nga nabatyagan sang Sipalay City sa subong nga tuig.
Wala man sang reported nga nasamaran sa nagluntad nga linog.
Panugyan ni Bogtae sa tanan nga mangin mabinantayon sa palibot kag kun may linog sundon ang dock cover and hold santo sa ginatudlo sa earthquake drill.
