Kalmado na ang sitwasyon kag tiyempo sa banwa sang La Castellana kasunod sang paglupok sang Bulkan Kanlaon.
Sa interview sang Bombo Radyo Bacolod kay Punong Barangay Joselito Martinez Jr sang Barangay Bi-ak na Bato, matawhay na kag may init na nga mabatyagan apang indi makit-an ang ibabaw sang bulkan bangod nga natabunan ini sang panganod kag dutay nga aso.
Suno sa Punong Barangay kapin sa 700 ka mga inidibidwal ang yara sa gihapon sa evacuation center samtang may iban naman nga nagbalik na sa ila puluy-an para balikan ang ila mga balay kag mga pananom kag kasapatan.
Padayon man ang pagsulod sang mga bulig kag sa karun may yara na sang supesyente nga supply sang tubig nga ilimnon.
Sa Brgy Bi-ak na Bato naman ginpakamaayo na lamang nga gin-evacuate ang mga residente kasunod sang pag-awas sang lahar sa Tamburong creek kag sa karun ginahulat pa ang go signal kun sila ang pahanugotan nga sila makapauli na.
Samtang, may bahin naman nga ginpasira ang dalan kun sa diin ang ginapahanugotan nga makalabay ang ginakuhaan sang impormasyon kaangay sang ila pangalan kag kun diin sila magapadulong.
Padayon man ang paglibot sang mga brgy tanod sa mga area.// Kasubong man nga wala untat ang paglimpyo sang Department of Public Works and Highways (DPWH) sa pagkuha sang dalagko nga mga bato, kahoy kag lahar sa dalan.
