Masobra 44 million Instagram accounts ang nagshare sang isa ka AI-generated nga litrato nga may nakasulat nga “All eyes on Rafah” humalin sang Lunes matapos ang makamamatay nga strike nga ginpatigayon sang Israel sa mga sibilyan nga Palestinians sa ciudad sang Gaza.
Ang litrato ang nagapakita sang mga tents nga nahamtang sa isa ka disyerto kun sa diin nagatinir ang linibo nga mga Palestinians nga nadisplace bangud sa military campaign sang Israel batok sa Hamas.
Nalakip sa mga celebrities nga nagshare sang litrato sa Instagram amu sanday Chilean-US actor Pedro Pascal, top models Bella kag Gigi Hadid, nga may dugo nga Palestinian kag si French football star Ousmane Dembele.
Ang slogan nga “All eyes on Rafah” ang ginshare man sa iban nga mga publications kag social networks ilabi na X kun sa diin ang hashtag nga #alleyesonrafah ang naka-attract na sa malapit isa ka million nga hits.
Suno sa health ministry sang Gaza nga ginamanage sang Hamas, nagdangat sa 45 ka mga persona ang nagkalamatay kag 249 ang pilason sa Israeli strike nga ginpatigayon sang Domingo.
