Aminado ang presidente sang Alliance of Hog Raisers Association of Negros Occidental nga nagalala nagid ang sitwasyon sang mga hog raisers sa probinsya bangud madamo na nga mga Local Government Units sa probinsya ang nagdeklarar nga naigo na sila sang African Swine Fever.
Sa interview sang Bombo Radyo Bacolod kay Ric Lauron, gin-igo sang virus ang kalaban nga mga backyard hg raisers sa probinsya kag ang dilemma nila sa karun ang pagdispose sang mga ginsagod nga baboy nga indi apektado sang ASF.
Indi man sang mga ini mapatay sang hungod bangud indi man ini apektado sang virus kag wala man sang assurance kun may yara pa sang magbakal.
Suno kay Lauron, kun may yara sang mabakal, tuman naman ka barato kaangay lamang sa live weight nga ginabakal nalang sang P70 tubtob P90 ang kada kilo.
Suno diri, may yara man sang nagbakal sang buhi nga baboy sa Luzon kun sa diin ang probinsya ang nagpadala sang 88 heads wala labot sa nayon apang tuman ka nubo ang presyo sini.
Aminado man ini nga may yara pa sang mga nayon nga nagbata apang wala na nila ginaengganyo ang paghit sang mga baboy ilabi na indi pa sa karun ang tion nga ginaengganyo sila sa pagrepopulate sang mga baboy.
Suno kay Lauron, ang record nga ginpagwa sang probinsya sa mortality sang baboy kada LGU ang mas manubo kumparar sa actual bangud madamo sang mga hog raisers ang wala na nagareport, gindirekta nalang lubong ang napatay nga baboy.
