Ginsuspend sang Miami Heat ang Six-time NBA All-Star forward nga si Jimmy Butler sa pito ka hampang bangod sa pagpanghalit sini sa iya team.
Ginpahayag ni Bulter nga wala na ini nalipay nga maghampang sa NBA kag para sa iya kaangay nga indi man niya makita ang kalipayan sa pagtinir sa team.
Santo sa statement sang Miami Heat, ginsuspend nila si Butler bangod sa mga pahayag kag pamatasan sini nga naka-apekto sa team.
Suno pa sa Heat, mismo ang gawi kag pahayag ni Butler ang nagapakita na indi na sini luyag pa nga mangin kabahin sang team.
Luyag na sa karun ni Bulter nga i-trade kag willing ang Heat nga mamati sa offers.
Si Butler ang nakascore sang siyam ka puntos lamang sa kapierdehan sang team batok sa Indiana.
Indi pa ini makabalik tutbob sa Enero 17 sa home game batok sa Denver, kag indi man makapartisipar sa home game batok sa Utah kag anum ka game sa west coast road trip.
Suno kay Butler, luyag sini nga liwat nga makita ang kasadya sa paghampang sang basketball kag nakahibalo ini nga nagahilapit na lang ang tion para diri.
