-- ADVERTISEMENT --
Nangin matawhay ang pagpatigayon sang siyam ka adlaw nga Simbang Gabi sa banwa sang Murcia.
Sa interview sang Bombo Radyo Bacolod kay P/Lt. John Paul Tabujara, hepe sang Murcia Municipal Police Station, ginpahayag sini nga santo sa ila assessment sa bag-o gid lamang tapos nga Christmas season, wala sang may narekord nga crime incidents ukon nagluntad nga seryoso nga problema.
Dugang pa ni Tabujara nga wala sila sang may nadakpan nga violators bangud tanan nga nagakadto sa Simbahan ang naga-obserbar sang health protocols.
Naga-apelar naman ang hepe sa publiko ilabi na sa mga taga-Murcia nga ipadayon lang ang ginapatuman nga minimum health standards subong nga nagahilapit na ang Bag-ong Tuig agud mapabilin nga matawhay ang pagsaulog sini.
