Nag-apply sang amnestiya ang siyam ka mga anay rebelde sa Northern Negros Occidental.
Ang mga former rebels ang nagsungka humalin sang Enero kag pila sa ila ang anay miyembro ni Arnel Tapang sang Northern Negros Front nga may patong sa ulo nga P1 million.
Ang mga former rebels ang nag-apply sa amnesty program sa headquarters sang 79th Infantry Battalion sang Philippine Army sa Brgy Bato, Sagay City.
Ang siyam ang may standing warrant of arrest nga ginlakipan sang murder, forced robbery kag iban pa, nga ila nakomiter samtang yara sa makawala nga grupo.
Sa pag-apply sa amnesty program sang gobyerno, panason na ang ila nga mga kaso.
Ini bangod ginalantaw sang gobyerno nga ang mga former rebels ang biktima lamang sang sala nga ideolohiya kag gingamit lamang sang mga nagakontra sa gobyerno.
Ang programa ang nagahatag sang tyansa sa mga anay rebelde nga makabalik sa normal nga pagpangabuhi gikan sa armado nga pagpakigbato.
Nagapati ang gobyerno nga makabulig ang amnesty program sa pagsungka sang mga rebelde, bangod ang iban ang nahadlok nga magsurrender sa kahangawa nga sila ang mapriso.
Ang application period ang nag-umpisa sang Marso 2023 kag magatakop sa Marso 2026.
