Siyam ka brgy sa ciudad sang Bago ang naapektohan sang ashfall halin sa bulkan Kanlaon.
Sa interview sang Bombo Radyo kay Dr Mary Jane Ortizo, pinuno sang Bago City Disaster Risk Reduction & Management Office (CDRRMO) sang Sabado naeksperyensyahan ang ashfall sa ciudad ilabi na sa brgy Mailum, Ilijan, Dulao, Ma-ao, Binubuhan, Abuanan, Atipuluan, Tabunan kag Bacong.
Suno diri, pinaka-apektado sa tanan amo ang brgy Mailum kag Ilijan bangod padulong sa ila dereksyon ang huyop sang hangin nga may dala nga abo.
Madasig naman nga nagresponse sang DRRMO sang brgy sa paghatag sang safe water kag facemask.
Nagpadeliver man ang brgy sang tubig gikan sa Provincial Disaster Risk Reduction and Management Office (PDRRMO) kag may water rationing na sa karun bangod iban sa brgy nagakuha sang tubig sa spring water nga open amo nga ginapatihan nga nacontaminate ini sang abo.
Wala man ginapahanugotan ang pag-inom sang tubig diri tubtob nga wala pa naexamine ang water source.
