Siyam ka mga barangay sa Negros Occidental ang nadeklarar nga drug cleared sa virtual deliberations ang Philippine Drug Enforcement Agency (PDEA) sang Hunyo 2.
Sa interview sang Bombo Radyo kay PDEA Head Nicholas Gomez, ang siyam ka mga barangay ang ginalakipan sang Barangay Camalandaan sang Cauayan; Barangay Tuburan sa EB Magalona; Barangay 2 kag Barangay 8 sa Kabankalan; Barangay Biak na Bato sa La Castellan; Barangay Amayco kag Barangay Canlandog sa Murcia; kag Barangay Marikalong sa Sipalay City.
Bangud diri, nagdangat na sa 258 ka mga barangay sa probinsya ang nadeklarar nga drug cleared nagikan sa 601 nga kabug-usan.
Nagalaom si Gomez nga mamintar sang nasambit nga siyam ka mga barangay ang ila status nga drug cleared kag madugangan pa ang mga lugar nga madala sa deliberasyon.
Suno diri, Hunyo 22 ang tentative nga schedule para sa masunod nga deliberasyon.
