Siyam ka mga katapo sang New People’s Army ang nagsurrender sa 94th Infantry Battalion sang Philippine Army.
Kaina sang aga, ginpresentar sang 94th IB ang walo ka mga NPA surrenderees sa Area Clearing and Evaluation Program nga ginpatigayon sa 303rd Infantry Brigade Headquarters sa Barangay Minoyan, Murcia.
Walo lamang ang napresentar bangud ang isa ka NPA ang kaina lamang nagsurrender.
Suno kay 303rd Infantry Brigade Commander Brigadier General Orlando Edralin, ang mga rebelde ang nagikan sa Himamaylan, Binalbagan kag Kabankalan City sa Negros Occidental kag may nagikan man sa Ayungon kag Tayasan sa Negros Oriental.
Suno kay Edralin, gutom, kakapoy kag pulaw ang rason kun ngaa nagbalik ang mga ini sa sabak sang gobyerno.
Suno diri, isa ini ka breakthrough sa ila pagpakigbato sa insurhensya kag sa ila kampanya nga maka-engganyo sang iban pa nga mga rebelde nga magsurrender na kag magpangabuhi sang normal.
Suno sa iya, nagapadayon sa karun ang ila mga operasyon agud masiguro ang kalinong sa Negros Island kag kampante ini nga naganubo na ang numero sang mga miyembro sang makawala nga grupo bangud sa mga naneutralize sa engkwentro kag sa mga nagabalik na sa sabak sang gobyerno.
Nagapanawagan ini sa nabilin nga miyembro sang hublag nga magsungka na bangud handa gid ang gobyerno nga magbulig agud sila ang makapangabuhi sang normal.nflict areas.
