Nagpasugot na ang siyam sa 12 ka mga tag-iya sang duta nga ginalabayan sang Cabug-Handumanan Road nga igaconstruct ang sementado nga dalan.
Sa karon, pirmado naman ni Mayor Alfredo Benitez ang program of work sang dalan.
Suno kay acting City Engineer Loben Seballos, ginaprocess sa karon ang acquisition ukon donation sang lote.
Suno kay Seballos, may documents na sila nga na-obtain nagikan sa siyam ka owners kag nagpabutyag naman ang tatlo nga willing sila nga magdonar sang duta matapos nga gin-istorya sang tiglawas sang City Engineer’s Office.
Suno sa mga lot owners, handa sila nga magdonar sang portion sang property agud nga gamiton bilang dalan.
Suno kay Seballos, siguruhon anay nila ang mga documents nagikan sa mga lot owners agud nga mangin tayuyon ang trabaho.
P85 million ang pondo nga napain sang city government para sa construction sang dalan nga nagalaba sang 1.3 kilometers kag magahalin ini sa P4.1 billion nga loan sang ciudad sa Development Bank of the Philippines.
Isa ini sa mga ginaprioritize sang city government bangud diri man nagalabay ang mga dumptruck nga nagaula sang basura sa Barangay Felisa.
Sa karon, gina-maintain ang pag-ula sang balas sa dalan agud nga indi maguba.
