LVIV , UKRAINE – Ginpahayag sang alkalde sa Lviv nga nadugangan pa ang rocket nga nag-igo sa syudad nga yara sa western Ukraine kahapon, makaligad lang sang pag-igo sang duha ka rockets sa kilid sang syudad nga ginalantaw una nga pag-atake sa sulod sang syudad humalin sang nag-umpisa ang gyera batok sa Russia.
Nahibaluan nga ang Lviv, kapin 60 kilometross gikan sa Polish border, ang wala pa maka-angkon sang pagpangbomba kag engkwentro nga una na nga nagkalatabo sa kalapit nga Ukrainian cities malapit sa Russia humalin sang naglunsyar sang invasion ang Moscow sang Pebrero 24.
Apang ginapahayag ni Governor Maksym Kozytskyy nga may duha ka rockets nga nag-igo sa easter outskirt sang syudad gani nagpanugyan ini sa mga pumuluyo nga magpanago sa shelter.
Apang ini ang nasundan pa sahg sunod nga pag-atake suno kay Mayor Andriy Sadoviy.
Pahayag sini nga ang pag-atake ang nakaguba sang mga imprastraktura apang indi mga residential buildings.
Ang una nga pag-atake ang nagtuga sang kalayo sa industrial facility nga nagatipon sang fuel, apang wala naka-igo sa residential areas.
Suno kay Governor Kozytskyy, lima ka mga tawo ang napilasan sa pag-atake, kag nagpahayag nga ini ang pauna palang nga figures.
Nagpaandam ang gobernador nga magpabilin sa mga shelters kag indi maggwa sa dalanon.
