Over-whelming para sa SK Federation President sa ciudad sang Bacolod ang pagpirma ni President Ferdinand “Bongbong” Marcos Jr. ang Republic Act No. 12326, nga opisyal na nagtalana sang lima katuig nga termino sang pagpungko para sa opisyal sang barangay kag mga miyembro sang Sangguniang Kabataan (SK).
Sa interview sang Bombo Radyo Bacolod kay Councilor Dana Marie Cuaycong-Barzo, overwhelming para sa iya apang gina-acknowledge man sini ang development kag ginarespeto man sini ang legal institutions kag democratic process sang pungsod.
Suno kay Barzo, ang term extension ang isa ka dako nga pagpanghangkat sa ila agud nga ipakita sa mga pumuluyo nga nagakadapat sila sa ila nga pwesto kag sa pagsalig sang mga nagbutang sa ila sa posisyon.
Nagapasalamat man si Barzo nga ginhatagan pa sila sang dugang nga tion agud nga himuon pa sang mas maayo ang ila katungdaan sa Sangguniang Kabataan.
