Nagsungka na sa mga otoridad sa Estados Unidos si Smartmatic founder Roger Piñate agud nga atubangon ang mga bribery kag money laundering charges.
Santo sa report, nagsungka si Piñate sa Miami federal court, kaupod si anay Smartmatic vice president
for hardware development Jorge Miguel Vasquez.
Kalakip sanday Piñate kag Vasquez sa apat na ka mga tawo nga naindict na sadto sang federal grand jury sang nakaligad nga tuig bangud sa alegasyon nga involvement sa bribery kag money laundering operations nga may kaangtanan sa 2016 elections sa Pilipinas.
Santo pa sa report sa US, gilayon man nga nahilway si Piñate matapos nga siya ang magfile sang fail nga nagabalor sang $8.5 million ukon katumbas sang P484 million, samtang si Vasquez ang nahilway man paagi sa $1million bond ukon kapin P57million.
Santo sa nauna nga ginpagwa nga report sang US Justice Department, sanday Piñate kag Vasquez ang lunsay napasakaan sang conspiracy to commit money laundering kag tag- three count sang international laundering of monetary instruments.
Kaupod nila diri sanday anay Commission on Elections Chair Andres Bautista kag Elie Moreno nga anay vice president sang Smartmatic global services unit.
Suno pa sa US Justice Department, kakuntsaba sanday Piñate kag Vasquez nga magbayad sang $1 Million kay Bautista.
Gin-alegar nga ang nasambit nga bayad ang agud nga mapabilin ang ila nga business kaangot sa pagsupply sang mga voting machine kag iban pa nga election service para sa 2016 Elections sa Pilipinas.
Samtang, kun mapatud-an nga guilty ang apat, kada isa ang mahimo mangatubang sang maximum penalty nga 20 katuig nga pagkapriso bangud sa laundering charges.
