Arestado ang isa ka lalaki matapos gin-report nga nang-snatch sang cellphone kag nakuhaan pa sang ginaalegar illegal nga druga sa Purok Santol, Barangay Robles, banwa sang La Castellana, sang, Hulyo 6 sang hapon.
Ang biktima ang isa ka 35 anyos nga babayi nga store owner samtang ang suspek ang ginkilala naman nga si Bonifacio Estelloso alyas Kulot, 19 anyos, residente sang nasambit nga barangay.
Santo sa report sang La Castellana Municipal Police Station, yara sa gwa sang iya nga balaligyaan ang biktima kag naga-istorya ini sa iya nga utod sang hinali na lang nga gin-snatch sang suspek ang uyat sini nga cellphone.
Gilayon naman nga nag-report ang biktima sa mga police nga gilayon man nga nagpatigayon ang mga ini sang hot pursuit operation.
Bangud sini naaresto si alyas Kulot kun sa diin na-recover sa iya ang cellphone sang biktima kag walo ka sachet sang ginapatihan nga shabu kag nagabug-at sang 15 gramos kag nagabalor sang P102,000.
Nakahunong na ini sa La Castellana Municipal Police Station ang suspek kag natalana nga pasakaan sang kaso nga theft kag paglapas sa RA 9165 ukon Comprehensive Dangerous Drugs Act of 2002.
