Ginturn-over sang baggage inspector sa Bacolod-Silay Airport ang sobre nga nabalin nga naga-unod sang masobra sa P17,000.
Sa interview sang Bombo Radyo kay Police Major Deejay Domingo, station chief PNP aviation security group sang Bacolod Silay Airport Police Station, alas-4:50 sang kaagahon kahapon, samtang nagaduty ang baggage inspector nga si Bombem Medel, nakit-an sini ang puti nga envelope nga nabilin sa X-ray initial checkpoint.
Ginturn-over sini ang sobre sa kapulisan kag ginturn-over sa lost and found station sang Civil Aviation Authority of the Philippines (CAAP).
Suno kay Domingo, ginteskeyar ang sobre kag ini ang naga-unod sang P17,800 cash.
Nakita sa CCTV camera nga nagsulod sa departure area ang nagapanag-iya sang kwarta apang wala na nila nakita pa nga nagbalik.
Nagpasalig naman si Domingo nga safe ang nakit-an nga sobre kag mahimo ini magawad sang tag-iya basta magdala lang sang ID kag pruweba nga siya ang nagapanag-iya.
