Nakuha sang Negros Occidental ang kampeonato sa hampang nga softball sa Western Visayas Regional Athletic Association (WVRAA) Meet 2023.
Sa interview sang Bombo Radyo kay Lizviminda Jalandoni, ang coach sang elementary softball team, sa semifinals ila napierde ang Antique sa score nga 29-0.
Kag sa championship naman nakontra sang team ang Iloilo kun sa diin nangin kampeonato ang Negros Occidental sa score nga 9-0.
Suno kay Jalandoni, sa isa ka dekada nga nangin coach ini sa sa softball team karun ang una nga beses nga sila ang nakakuha sang kampeonato.
Pahayag sini, dako nga factor ang experience nga na-agyan sang mga players nga nagpabakod pa sa sila.
Natapos kahapon ang championship sa softball nga kuntani pagahiwaton tubgtob subong nga adlaw apang nadesisyunan nga padayunon na lamang kahapon ang championship.
Ila naman sa karun pagapreparahan ang pre-palaro nga pagahiwaton sa Cebu sa bulan sang Hunyo.
