Ginbutang bilang Philippine tourism ambassador para sa Korea ang South Korean actor nga si Seo In-guk sang Department of Tourism (DOT) kahapon Biyernes, Pebrero 21.
Ginpatigayon ang nasambit nga awarding ceremony sa DOT penthouse sa Makati City nga nagmarka sang importante nga chapter sa karera sang Korean actor.
Nakilala si Seo In-Guk sa iya nga maayo nga pagplay sang role sini sa mga K-drama, kag nag-umpisa sa series drama nga Love Rain (2012) kag labi pa ini nakilala sa TV series sini nga Reply 1997 sang 2012.
Nagpadayon ini sa iya nga kadalag-an sa mga TV series kaangay sang “Master’s Sun” (2013), “High School King of Savvy” (2014), kag ”The King’s Face” (2014).
Karun bilang Philippine Tourism Ambassador sa Korea, nakahanda na ang Korean Aktor nga dal-on ang mga fans sa isa indi makalimtan nga adventure sa manami nga mga isla kag lugar sa Pilipinas.
Ginalauman naman ang pagsanyog sang turismo sang pungsod sa tunga sang Pilipinas kag South Korea.
