Wala nakatambong si South Korean impeached President Yoon Suk Yeol sa corruption watchdog sang pungsod matapos siya ang ginpatawag agud pamangkuton natuhoy sa pagpatuman sini sang martial law.
Ginpatawag ini sang mga imbestigador nagikan sa Corruption Investigation Office (CIO) sa ila pasilidad sa suburban Seoul agud pamangkuton kuntani natuhoy sa mga kaso sang insurrection kag pagpang-abuso sang gahom.
Suno sa isa ka CIO official, wala nagtambong kahapon si President Yoon.
Suno sa legal team ni Yoon, wala ini nagcommit sang insurrection kag nagpromisa nga pagaatubangon ang kaso sa korte.
Suno kay Seok Dong-hyeon, nalakip sa team ni Yoon, apisar nga wala nila ginakonsiderar nga legally valid ang insurrection charges, sila ang magacomply sa imbestigasyon.
Suno sa CIO, ang indi pagpakita ni Yoon sang Miyerkyles ang makonsiderar nga isa ka failure sa pagcomply sa mga nauna nga mga summons.
