Nagpalupok sang warning shots ang South Korean military matapos naglapaw sa military demarcation line (MDL) ang mga suldado sang North Korea, santo sa ginpahayag sang Joint Chiefs of Staff (JCS) sang South Korea kahapon.
Santo sa JCS, natabo ang insidente sa Eastern Front, sa diin nagtabok ang North Korean forces sa MDL.
Nagpalupok sang warning shots ang South Korean military sa idalom sang operational procedures, rason nga nag-atras ang mga suldado sang North Korea.
Wala naman gintumod sang JCS ang eksakto nga petsa sang insidente.
Santo sa JCS, hugot nila nga gina-monitor ang hulag sang pwersa militar sang North Korea.
Nauna na ini nga ginreport sang isa ka news agency kahapon, santo sa wala ginpangalanan nga source, nga nagpalupok sang warning shots ang militar sang South Korea.
Santo sa source, posible nga naga-patrol ang mga suldado naggikan norte sang nagtabok ang mga ini sa MDL.
Wala naman sabat ang North Korean embassy sa Singapore sa hingyo nga maghatag sang pahayag.
Base sa report, 17 na ka beses nga naglapas ang North Korean troops sa MDL sang nakaligad nga tuig.
Nagapabilin nga “technical at war” ang South Korea kag North Korea matapos magtakop ang 1950-53 Korean War paagi sa armistice, sa baylo sang isa ka peace treaty.
