-- ADVERTISEMENT --
Ginban si South Korea President Yoon Suk Yeol sa pagbiya sa pungsod sang Lunes suno sa justice secretary, indi magnubo isa ka semana matapos ginkakibot sang pungsod ang pagpatuman sini sang martial law.
Ang nasambit nga pinuno ang nakaluwas sa isa ka impeachment motion sa parliament sang Sabado apisar nga madamo nga mga pumuluyo ang nagprotesta agud magpanawagan sang pagpahalin sa iya sa pwesto.
Apisar sang pagpabilin sini sa opisina, madamo sa gihapon sang mga imbestigasyon nga nakasentro kay Yoon kag sa iya mga kaalyado lakip na ang isa ka imbestigasyon para sa ginaalegar insurrection.
Ginkumpirmar sang ministry of justice nga si Yoon ang nangin labing una nga sitting South Korean president nga iga-ban sa paghalin sa pungsod.
