Umpisa kahapon, opisyal na nga gindeklarar sang state weather bureau ang pagsugod sang tig-ululan ukon rainy season sa Pilipinas, apang nakapahuway naman kita sa pagbubo sang ulan kahapon sang hapon tubtub subong nga aga.
Subong nga Sabado, ang Southwest Monsoon ang maga-apekto sa nakatungdan nga bahin sang pungsod.
Samtang ma-eksperyensyahan ang monsoon rains sa Occidental Mindoro kag northern Palawan kalakip na sa Calamian Islands tuga sang Southwest Monsoon.
Ang Metro Manila, Zambales, Bataan, Batangas, Cavite, nabilin nga bahin sang MIMAROPA, kag Western Visayas ang makaeksperyensya sang magal-umon nga kalangitan nga may lapnagon nga pag-ulan nga may kaupod nga pagpangilat kag pagpanaguob tuga sang Southwest Monsoon.
Ang nabilin nga bahin sang pungsod ang maka-eksperyensya sang magulugal-umon tubtob sa magal-umon nga kalangitan nga may tumalagsahon nga tyansa sang pag-ulan nga may kaupod nga pagpangilat kag pagpanaguob dala sang Southwest Monsoon kag Localized Thunderstorms.
Mabatyagan ang mahinay tubtob sa kasarangan nga huyop sang hangin sa Luzon padulong sa nabagatnan-nakatungdan tubtob nabagatnan, samtang ang Visayas kag Mindanao ang makabatyag sang mahinay tubtob sa kasarangan nga huyop sang hangin padulong sa nabagatnan tubtob nabagatnan-nakatungdan.
Ang baybayon sa bug-os nga Pilipinas ang mangin makanay tubtob sa kasarangan ang pagbalod.
