SP-Bacolod gin-aprubahan ang pag-amendar sa ordinansa sa pagpatigayon sang bulang sa ciudad

Gin-aprubahan sang Sangguniang Panlungsod sang ciudad sang Bacolod ang pag-amyendar sa City Ordinance No. 244 para sa pagpatigayon sang special cockfighting ukon pabulang sa ciudad.

Suno kay Councilor Atty. Caesar Distrito, Chairperson sang Committee on Ways and Means, nga amo ang author sang amendment, pasakaan sa P5,000 ang ihatag nga financial assistance para sa charitable institution kada adlaw halin sa P2,000 nga una nga nabutang sa ordinansa.

Gin-amendahan man nga mahimo makapatigayon ang mga Brgy sang pabulang sa tion sang Barangay Day ukon Charter Day apang dapat magsecure sang permit ang Barangay halin sa Local Government Unit.