Tinguhaan sang Commission on Elections nga mapatigayon sa regular nga schedule ang 2025 Midterm Elections sa mga apektado sang pag-alburuto sang Bulkan Kanlaon, apang magapatigayon sang special elections sa worst case scenario.
Sa interview sang Bombo Radyo Bacolod kay Negros Occidental Provincial Comelec Supervisor Atty Ian Lee Ananoria, hinali nga indi pa makapauli sa ila tagsa ka panimalay ang mga evacuees antes ang eleksyon, gin-abiso ni Negros Island Region – Comelec Director Atty Lionel Marco Castellano magabutang sang voting precinct sa kalapit nga nga eskwelahan nga wala ginagamit nga evacuation centers.
Apang kun maglupok ang bulkan kag alang-alang nga makapatigayon sang dungan nga eleksyon, partikular na kun ang mga Electoral Boards ang kalakip sa mga apektado sang kalamidad, sila ang magapatigayon na lamang sang special election.
Kalakip sa mga apektado amo ang banwa sang La Castellana, Moises Padilla, kasubong man ang ciudad sang La Carlota kag Bago.
Ang Comelec ang nagakoordinar naman sa Disaster Risk Reduction and Management Offices sa tagsa ka local government units sa mga aktibidad.
Magluwas sa mga affected areas, padayun sa orihinal nga election schedules sa iban nga mga LGUs sa probinsya.
