Liwat ginpahanumdom sang Regional Director sang Land Transportation Franchising and Regulatory Board – Negros Island Region (LTFRB-NIR) nga may special payout bwas, Agosto 11 sang fuel subsidy sa mga taxi drivers nga wala pagid makakuha sang nasambit nga ayuda sumugod sang ginpatuman ang programa sa ciudad sang Bacolod.
Sa interview sang Bombo Radyo Bacolod kay Atty. Gerry Llena, ang payout ang isa ka adlaw lamang patigayunon sa Ayala Capitol Central.
anugyan sini sa mga taxi drivers nga hibaluon na ngadaan sa ila operators kun nasumiter ang ila pangalan sa LTFRB antes magkadto sa venue.
Dal-on man ang driver’s license kag iban pa nga proof sang identity. Samtang, ginklaro sang Regional Director sang Land Transportation Franchising and Regulatory Board – Negros Island Region (LTFRB-NIR) nga wala sang mando ang ahensya nga buhinan ang ayuda nga para sa mga taxi drivers.
Madumduman nga antes ang special payout bwas para sa mga taxi drivers sa Ayala Capitol Central, una nga nagdangop ang mga drivers sang Christine Taxi sa Talisay City sa Ipa-Bombo Ta segment sang Bombo Radyo Bacolod bangod sa wala nakabatun sang ayuda apisar nga nakasumiter sang requirements.
Ang concern ang ginfacilitate ni Llena, kag natigayun nga nakuha ang ayudad sang 32 ka taxi drivers sa LTFRB Region 6 paagi sa ila operator nga si Christine Gallo.
Apang imbes nga bilog nga P5,000, yara na lamang sa P4,600 ang nabatun sang drivers bangod ginbuhinan sang P400 sang operator bilang bawi suno diri sa iya plete, ukon kabug-usan nga P12,800.
Lauman nga bilog nga P5,000 ang mabatun sang mga drivers nga magakuha sa special payout bwas.// Suno kay Llena, importante nga mahangpan sang mga drivers nga ang LTFRB ang wala sang mando sa pagbuhin sang ayuda nga nagakadapat para sa ila.//// VC: LTFRB-NIR DIRECTOR ATTY GERRY LLENA 222
