Gin-anunsyar sang Philippine National Police ang pagtukod sang special task force (STF) sa paglagas sang nabilin nga mga suspek sa pagpatay kay Negros Oriental Governor Roel Degamo kag nagpahayag nga malapit nalang nga masolbar ang kaso.
Ginpahayag ni PNP spokesperson Police Colonel Jean Fajardo, nga sa ginpatigayon nga sa ginaptigayon nga meeting kahapon para sa STF Degamo kaupod ang mga tiglawas sang Office for Transportation Security (OTS), Armed Forces of the Philippines (AFP), National Bureau of Investigation (NBI), kag Department of the Interior and Local Government (DILG) – agud nga diskusyunan ang progreso sang imbestigasyon.
Suno sa PNP ginbutang nga chairperson sang task force si DILG Secretary Benhur Abalos kaupod si Justice Secretary Crispin Remulla, kag Defense Secretary Carlito Galvez Jr. bilang co-vice chairpersons.
Gindesignate man sanday PNP chief Police General Rodolfo Azurin Jr., AFP chief General Andres Centino kag National Bureau Investigation (NBI) Director Medardo de Lemos bilang task force commanders.
Ginpahayag man ni Fajardo nga ang PNP kag AFP ang nagapatigayon sang pursuit operations agud nga madakpan ang nabilin nga mga suspeksa kag ang NBI ang naga-areglar sang mga legal documents nga may kahilabtanan sa ginbuyagyag sang apat ka mga nadakpan nga suspetsado.
Gindihon ang STF-Degamo agud maharmonize kag masiguro nga isa lang ang direksyon sang law enforcement agencies bangud luyag ni President Ferdinand “Bongbong” Marcos Jr. ang whole government approach agud masiguro ang madasig nga pagresolbar sang kaso.
