Excited na ang tagpamaba sang Prime Electric Holdings Inc. nga makatake-over sa Central Negros Electric Cooperative (CENECO) pinaagi sa Negros Electric and Power Corporation (NEPC) kag mapatuman ang ila 5-year development plan.
Sa interview sang Bombo Radyo Bacolod kay Jonathan Cabrera, sila ang mahimo nga makatake-over na sa masunod nga duha tubtob apat ka bulan kun indi i-veto ni President Ferdinand “Bongbong” Marcos Jr. ang House Bill 9805 ukon ang hagna nga magahatag sang prangkisa sa NEPC.
Nagapati si Cabrera nga nagsuporta ang mga Senador bangod ila nakita nga ini ang practical nga solusyon sa problema sa karun sa serbisyo sang CENECO.
Nahangpan man sini ang mga concerns sang pila ka Senador sa period of interpellation apang ini ang nasabat man ni Senator Grace Poe.
Isa sa mga napaathagan nga sa joint venture agreement, sila ang may pondo nga magamit sa pagbayad sa collective bargaining agreement (CBA), samtang prayoridad man sa hiring ang mga CENECO employees.
Mensahe naman sini sa member-consumer nga gamay na lamang nga sakripisyo bangod ginatinguhaan man nila nga mapadasig ang pag-apply sang prangkisa.
Nagapangayo man ini sang paghangop kag pagsalig gikan sa mga konsumedor kag pasalig sini nga sila ang mangin transparent kag ipahibalo kun may-ara sang updates kag development.
