Nagapati ang Basketball Coach sa ciudad sang Bacolod nga Boston Celtics kag Dallas Mavericks ang maga-atubangay sa National Basketball Association (NBA) Conference Finals.
Sa interview sang Bombo Radyo Bacolod kay Coach Leo Ceralbo, principal sa Handumanan Elementary School 2, sulod na sa championship ang Boston Celtics matapos ang 3-0 sweep batok sa Indiana Pacers gikan sa Eastern Conference.
Samtang sa Western Conference, padayun naman ang pagsambuwa sang Dallas Mavericks kag Minnesota Timberwolves nga may-ara na sang 3-1 nga record pabor sa Dallas.
Suno kay Ceralbo, wala pa sa maragtas sang NBA sang team nga nakabangon gikan sa 3-0 nga record.
Dugang sini nga mabudlay bantayan ang mga key players sang Dallas nga sanday Kyrie Irving kag Luca Doncic.
Suno diri, madasig makapenetrate si Irving samtang indi man mapunggan ang mga step back kag pagpa-ulan sang tres ni Doncic.
Gani nagapati ang coach nga ang Dallas ang mangin madinalag-on kag makasulod sa finals batok sa Celtics.
Sa pihak nga bahin aminado man ang coach nga llamado ang Celtics ilabi na nga ang team ang eksperyensyado na sa paghampang sa NBA finals batok sa challenger nga Dallas nga madugay na sang ulihi nga nakalab-ot sa finals.
