Ginpahayag sang Israel nga ang spy chief sini ang magatambong sa Gaza ceasefire talks kag nagpromisa ang Hamas nga untaton na ang pag-ilinaway kun malab-ot ang isa ka truce.
Nahibaluan nga wala nangin madinalag-on ang nagliligad nga mga bids agud untaton ang masobra isa ka tuig na nga gyera apang ang Estados Unidos ang nagpabutyag sang paglaom sa pagkamatay ni Hamas leader Yahya Sinwar sang tinalikdan nga semana ang magaserbi nga opening para sa isa ka deal.
Suno sa isa ka Hamas official, isa ka delegasyon nagikan sa Doha-based leadership sang grupo ang nag-istorya natuhoy sa mga ideya kag proposal may kaangtanan sa isa ka Gaza truce kaupod ang mga Egyptian officials sa Cairo sang Huwebes.
Suno diri, ang Hamas ang nagpabutyag sang pagkahanda nga mauntat na ang pag-ilinaway apang ang Israel ang dapat magcommit sa isa ka ceasefire.
