Arestado ang squad leader sang New People’s Army matapos ginserbehan sang warrant of arrest sa kaso nga murder sa Hacienda Tresing, Barangay Andres Bonifacio, Cadiz City, Negros Occidental.
Ginkilala ini nga si Eliseo Along alyas Ermie ukon Juan, Squad Leader sang Sandatahang Yunit Propagabda (SYP) Platoon, North Negros Front Dismantled (NNF-D), Komiteng Region-Negros, Cebu, Bohol, Siquijor (KR-NCBS), 38 anyos, kasado, mangunguma kag residente sang Sitio Aglolomot, Brgy. San Jose,banwa sang Toboso.
Sa interview sang Bombo Radyo Bacolod kay Police Lt. Gina Fernandez, Deputy Chief of Police sang Cadiz City Police Station, paagi sa joint operation sang Cadiz City Police Station sa pagpamuno ni Police Lt. Col. John Joel Batusbatusan, 1st Negros Occidental Provincial Mobile Force Company (Nocpmfc), Regional Mobile Force Battalion (RMFB)-6, 65th SAC, 6SAB, PNP-SAF; kag Reconnaissance Company, RMFB 6, ginserbe ang warrant of arrests batok kay Along sa kaso nga murder kag wala sang ginrekomendar nga piyansa.
Ang warrant of arrest ang ang gin-issue ni Hon. Renato D. Muñez, Executive Judge, RTC, Sixth Judicial Region, Branch 60, Cadiz City, Negros Occidental sang September 1, 2011.
Suno kay Fernandez, nakahunong ang ginapahayag squad leader sang New People’s Army sa Cadiz City Police Station kag ginahulat nalang ang commitment order.
