Nagalaom ang opisyal sang Sugar Regulatory Administrator nga makapasaka sang millgate price ang natalana nila nga paggwaon nga sugar order kun sa diin ang mga sugar traders ang marequire nga magbakal sang lokal nga produkto sang mga sugar farmers.
Sa interview sang Bombo Radyo Bacolod kay SRA Planters Representative David Andrew Sanson, nagsugot na ang tanan nga mga sugar federation lakip na ang sa Negros Island, kag ang Confederation of Sugar Producer Associations Inc. (CONFED) gid lamang ang nagpamalabag.
Apang nakita nila ang malawig na nga pag-antos sang mga local sugar farmers gani ginduso na nga ipatuman ang sugar order sini nga semana.
Aminado ini nga nagsaka ang produksyon sang kalamay ilabi na nga madamo sang mga banana kag pineapple plantation nga ginconvert sa tubuhan.
Ginklaro naman ni Sanson nga wala sang oversupply sa kalamay.
Apisar sini, magapagwa na sang sugar order sa pag-export sang kalamay agud mabuhinan ang supply kag mapasaka ang demand.
Nakigkita naman si Agriculture Secretary Francisco Tiu Laurel Jr. sa mga stakeholders.
Apisar nga wala pa mapatuman, may ara na sang pagbag-o sa millgate prices.
Suno kay Sanson, wala naman sang patigayunon nga sugar importation luwas kung kulang nagid ang stocks.
Ang gina-import lamang amo ang bottler-grade refined sugar nga ginagamit sang mga nagamanufacture sang softdrink, nga mas mapino sangsa refined sugar nga mabakal sa merkado.
Samtang wala man sang produksyon sang kaangay nga kalidad sang kalamay sa Pilipinas.
Pahanumdom ni Sanson nga ang SRA ang wala sang ikasarang sa pagdikta sang presyo sang kalamay, sa baylo sila ang makahimo lamang sang programa nga makapanubo ukon makapataas sang presyuhanay.
