SRI LANKA — Ginhabuyan sang mga Sri Lankan police sang tear gas kag water cannons ang kapin 2,000 ka mga irate protesters nga naglapas sa mandato sa curfew kag nagtuyo nga padulungan ang puluy-an ni Prime Minister Mahinda Rajapaksa sa Tangalle agud magdemand sang iya resignation sa tunga sang pinakamalala nga krisis sa ekonomiya sa pungsod.
Kapin 2,000 ka mga persona ang nagpadulong malapit sa puluy-an sang Prime Minister sa Carlton House sa Tangalle, nga nahamtang 200 km south sang Colombo, ginpahukas ang mga barricades kag nagchat sang mga anti-Rajapaksa slogans.
Matapos naman ang mass resignation sang mga Cabinet Ministers sang Domingo, gin-anunsyar ni President Rajapaksa sang Lunes ang apat ka mga bag-o nga mga ministers.
Agud buslan ang iya utod nga si Basil Rajapaksa, gin-assign sang Presidente si Ali Sabry nga amu ang Minister of Justice, bilang bag-o nga Finance Minister.
Si G L Peiris ang nagapabilin nga Foreign Minister, Dinesh Gunawardena bilang Education Minister kag Johnson Fernando bilang Minister of Highways.
Ginreject naman ni Udaya Gammanpila, ang pinuno sang isa sa 11 ka mga political parties ang tikang ni Rajapaksa kag gintawag ang bag-o nga Gabinete nga “old wine in a new bottle”.
Suno sa iya, luyag nila nga ibalik sang all-party interim government ang essential services kag magpatigayon sang parliamentary election.
Magapatigayon naman sang monetary board meeting ang central bank sang Sri Lanka matapos ang resignation ni Governor Ajith Nivard Cabraal.
