Nagpagwa sang circular ang Social Security System (SSS) angot sa pagrevise sang schedule sang monthly pension sang mga pensioneer.
Suno kay Lina Hilado, branch head sang SSS Bacolod, nag-issue na ang ahensya sang circular nga nagarevise sang schedule sang bulanan nga pagrelease sang pension sa mga pensionado pinaagi sa Philippine Electronic Fund Transfer System and Operations Network (PESONET) kag iban pa nga checklist network channel.
Gamitun ang PESONET kag checklist Channel agud nga mas mapadasig ang paghatag sang mas dasig kag segurado nga pension.
Pinaagi man sini, makakas ang float arrangement sa mga bangko santom sa circular sang Department of Finance (DOF).
Isa nalang ang pagapasahan sang budget sang SSS nga bangko, ang Development Bank of the Philippines (DBP) kag ini nalang ang bahala nga magdistribute sa mga bangko nga accredited sang PESONET.
Pahayag naman sini nga indi magpanic ang mga miyembro bangod indi man mauntat ang pension.
Ginhimu naman ini agud nga uniform na ang pagpaguha sang pension indi kaangay sadto nga lainlain ang kadasigun sang pagpagwa sang budget.
Suno kay Hilado, kun ang contingency ukon ang pagsugod retire ang yara sa petsa nga 1-15 ang pension ang igahatag sa una nga adlaw sang bulan.
Samtang ang may contingency naman sa petsa nga 16-31, ang pension ang igahatag sa ika-15 nga adlaw sang bulan.
