Ginpahayag sang mga staff member ni late Department of Public Works and Highways (DPWH) Undersecretary Maria Catalina Cabral nga pwersahan ang pagkwa ni Batangas 1st District Rep. Leandro Leviste sang mga dokumento, nga nagresulta sa pagkagisi sang mga papelis kag illegal nga pagkopya sang mga files halin sa computer sang anay opisyal sang Setyembre 4, 2025.
Bilang sabat, gin-ako ni Leviste nga nagkadto siya sa opisina ni Cabral matapos ang pagbisita sini sa isa ka assistant secretary sang DPWH apang ginpanginwala niya nga nagbinaisay sila ni Cabral baangud sa mga dokumento.
Ginpahayag man ni Leviste nga ang iya gin-ubra sa opisina ni Cabral ang aprubado ni DPWH Secretary Vince Dizon.
Apang madumduman nga nagpanginwala si Dizon nga siya ang nakahatag sang authorization.
Una na nga ginpanawagan ni Leviste sa DPWH nga ipagwa ang ila kopya sang Cabral files, nga gina-alegar nagalakip sang budget allocation sang ahensya sa kada rehiyon.
