Matuman na ang madugay nga handum sang mga kapulisan sang Silay City nga pagpatukod sang bag-o nga standard police station.
Sa interview sang Bombo Radyo kay Police Lieutenant Colonel Mark Anthony Darroca, hepe sang Silay Police Station, 73 ka tuig na nga handum sang mga kapulisan nga may yara sila sang kaugalingon nga standard police station kag sa karun suno kay Darroca nangin successful ang pagpatuman sini.
Suno diri, posible nga maumpisahan na ang pag-construct sa madason nga mga semana nga matapos sa 360 days santo sa kontrata.
Ang standard police station amg pagabutangan sang pito ka opisina kag quarters para sa mga personnel.
Ang budget nga P16 million ang nagikan sa national kag local government units kag kasubong man nga naghatag sang P5 million pesos ang siyudad sang Silay sa pagpatukod sini.
