Isa naman ka anay officer in charge sa Bureau of Corrections nga nagtestigo batok kay Senator Leila De Lima ang nagretract sa iya nga statement, kag nagpahayag nga siya ang ginpahog sang sadto Justice Secretary nga si Vitaliano Aguirre agud nga siya ang magpagwa sang false allegation batok sa Senador.
Sa isa ka interview, nagpangayo sang pasaylo si Rafael Ragos kay De Lima bangod sa pagtestigo sini batok sa Senador kag nagpanindugan nga ini ang dapat nga maklaro sa iya nga drug charges, nga kabangdanan agud nga siya ang mapriso humalin sang Pebrero 2017.
Sang 2016, ginpahayag ni Ragos sa Senate hearing nga nagdeliver ini, kaupod ni aide Jovencio Ablen Jr, sang P5 million nga proceeds gikan sa illegal drug trade sa sulod sang New Bilibid Prison sa balay ni De Lima sa Paranaque City sang 2012.
Nagtestify man ini nga ang kickbacks ang nagikan kay Peter Co kag iban pa nga mga druglords agud nga suportahan ang senatorial bid ni De Lima sang 2013.
Si De Lima, nga nag-appoint kay Ragos bilang Officer in Charge sang 2012, nga padayun nga nagapanginwala sa alegasyon.
Ginbawi ni Ragos ang iya nga testimoniya pinaagi sa isa ka affidavit nga ginpirmahan sa Pasig City sang Abril 30.
Sa iya nga statement, ginpahayag sini nga santo sa iya nga professional relationship kay Secretary Del Lima, ini ang wala sang ikasarang nga maghimo sang illegal ilabi na ang pag-engage sa illegal drug trade ukon agbaton sang kwarta nagikan sa Bilibid inmates.
