Si Roderick Wamil, anay Intelligence and Confidential Funds Audit Office State Auditor ang ginpresentar nga testigo sang Prosecution team sa ika-11 nga adlaw sang impeachment trial ni Vice President Sara Duterte.
Siya ang ginpakilala sang batikan nga abogada nga si Atty Lorna Kapunan.
Apang antes ang direct examination para sa Article 1 ukon misuse sang Confidential Funds, malawig nga na-untat ang trial bangod gintsekyar pa sang defense team ang mga ginpresentar nga dokumento sang prosekusyon agud masegurado nga wala sang magkatuhay nga kaundan.
Samtang antes ginsuguran ang direct examination, gin-acknowledge ni Defense Lawyer Atty Michael Poa ang mga dokumento sang prosekusyon, apang nagbalibad naman ini nga magstipulate sa acknowledment receipts sa December 21 to 31, 2022 nga ginakabig nga key evidence sang prosekusyon.
Gincite sang depensa nga may pila ka mga issue sa dokumento nga sarang magamit sang mga masunod nga witnesses.
Sa siyam ka tuig nga pagserbe ni Roderick Wamil, bilang anay state auditor sang Commission on Audit (COA) Intelligence and Confidential Funds Audit Office, si Vice President Sara Duterte lamang ang ginpaidalom sa audit sang confidential funds sa mga nangin anay Bise Presidente sang pungsod.
Ginpahayag ni Wamil nga sanday former Vice Presidents Jejomar Binay kag Leni Robredo ang wala ginpaidalom sa post-audit bangod sila ang wala sang appropriations para sa confidential funds sang sila ang nangin Bise Presidente.
Dugang pa ni Wamil nga sa tanan nga mga naglabay nga tiglikom sang Department of Education, si Duterte lamang ang iya nga na-audit angot sa confidential funds, bangod ang mga nauna nga tiglikom suno diri ang wala man sang confidential funds.
Nagdangat sa P500 million ang confidential funds sang OVP sa idalom ni VP Sara, kag P112.5 million naman ang confidential funds sa DepEd sa idalom sang pagpamuno ni Duterte bilang Education Secretary… Samtang,sa nagapadayun nga diskusyon sa Article 1 sang impeachment trial ni Vice President Sara Duterte, ginpamangkot ni Private Prosecutor Atty Lorna Kapunan si prosecution witness ex-COA Intelligence and Confidential Funds Audit Official Roderick Wamil tuhoy sa importansya sang pirma sang Bise Presidente sa mga ginpresentar nga dokumento.
Gin-athag ni Wamil nga ang mga pirma ang nagapamatuod nga natuman sang ahensya ang purpose sang cash advance gikan sa confidential funds.
Sunod naman nga ginpamangkot ni Kapunan kay Wamil ang obserbasyon sini sa dokumento.
Suno kay Wamil, ang coverage period ang sumugod lamang sang Disyembre 21 tubtob Disyembre 31, 2022, apisar nga ang cash advance ang gina-alokar kuntani sa Office of the Vice President para sa bilog nga fourth quarter sang 2022.
Apang, ginklaro sini nga luwas sa nasambit nga obserbasyon, ang mga dokumento ang nakacomply sa mga requirements sang Joint Circular 2015-01…Gintalakay sa ika-11 nga adlaw sang impeachment trial ang paggamit sang confidential funds sang Department of Education (DepEd) kag Office of the Vice President (OVP).
Sa pagpamangkot ni Defense counsel Atty. Lorna Kapunan kay COA witness Roderick Wamil, ginklaro sini nga ang ginpatigayon nga post-audit ang nakabasi sa Joint Circular.
Suno kay Mr. Wamil, kinahanglan ang hugot nga pagsunod sa mga prosecures bangod public funds ang ginagamit kag agud malikawan ang sala nga paggamit sang pondo.
Kalakip sa mga ginapahanugutan nga gastos ang pagtipon sang impormasyon may kaangtanan sa national security, renta kag maintenance sang salakyan kag safehouse, kag ang paghatag sang reward sa mga informant nga nagbulig sa pagbuyagyag sang mga illegal nga aktibidad, apang dapat masunod ang mga ginplastar nga kondisyon.
Sa hearing, namensyonar nga sanday former Vice Presidents Leni Robredo kag Jejomar Binay ang wala sang confidential funds sa ila nga mga opisina, kag si VP Sara lamang ang may confidential funds sa OVP, kasubong man sa DepEd sang siya ang tiglikom, nga sa iya lamang natabo.
Nadiskusyonan man ang DepEd COA audit sang 2023, sa paggamit sang P37.5 million kag P112.5 million nga confidential funds.
Samtang naggwa man ang kontrobersyal nga pangalan nga “Mary Grace Piatos,” nga gina-alegar nakabatun sang P70,000 gikan sa confidential funds ng Office of the Vice President (OVP).
