Ginpahayag sang Office of the Ombudsman nga mahimo magamit batok kay anay House Speaker kag Leyte Representative Martin Romualdez ang mga statement sang walo sa 18 ka mga anay bodyguards kag bagmen ni former Ako Bicol Representative Zaldy Co bangud sa nagasanto kag maathag nga mga pahayag natuhoy sa ginaalegar pagdeliver sang kwarta.
Apang suno kay Assistant Ombudsman Mico Clavano, wala pa napirmahan ukon ginsumpaan ang mga affidavit sang walo ka mga bodyguard gani indi pa ini makabig nga full-fledged evidence.
Suno diri, isa ini sa rason kun ngaa nadelay ang imbestigasyon sa kaso ni Romualdez.
Samtang, ginpanindugan naman sang kampo sang mamalidha nga wala sang ebidensya nga naga-angot sa iya sa ginaalegar iregularidad sa flood control projects.
