Natalana nga ipatigayunon sa Nobyembre 30 ang pagbukas sang trial ni Former President Rodrigo Duterte sa kaso nga crimes against humanity sa International Criminal Court Trial Chamber III suno kay Presiding Judge Joanna Korner.
Apang ginmando naman sang ICC ang panibag-o nga eksaminasyon sa ikaayong lawas ni Duterte agud matumod kun masarangan pa sini nga mag-atubang sa trial.
Sa una nga Status Conference sang kaso ni Duterte sa ICC, gintalakay ang paggamit sang lenggwahe nga ingles kag Filipino bilang isa sa nagapanguna nga lenggwahe nga ginagamit sa Pilipinas.
Suno sa prosecution panel, importante nga mas mahangop sang mga Pilipino ang bug-os nga proseso sang trial, ilabi na nga ginabantayan gid sang publiko ang progreso sa kaso.
Angot diri, pabor ang ICC nga magpreparar sang interpreter para sa mga testigo batok kay Duterte agud ma-translate sa ila nga lenggwahe ang mga diskusyon sa trial apang ginpahayag naman sang kampo ni Duterte nga wala na nagakinahanglan sang interpreter ang ila nga kliyente.
