Ginkumpirmar sang Science Research Assistant sang Kanlaon Volcano Observatory nga ginpapanaog na sa Alert Level 2 ang status sang Bulkan Kanlaon gikan sa Alert Level 3.
Sa interview sang Bombo Radyo Bacolod kay Ptolemy Mañego, nakita sang mga ini nga santo sa parameters sang PHIVOLCS naga-amat amat na nubo ang volcanic earthquakes sang Bulkan Kanlaon samtang ang ash emission ang ulihi nga narekord sang June 5 kasubong man ang ginapagwa sini nga sulfur dioxide ang yara nalang sa 1000-2000 tones kada adlaw kag wala naman naga-amat amat naman kupos ang paghabok sang surface sang bulkan.
Ginkumpirmar ni Mañego nga ang mga residente sagwa sang 4 kilometers permanent danger zone ang mahimo na makapauli apang ang yara sa sulod sini ang ginadumilian sagihapon.
Dugang pa sini wala man ginapasugtan ang paglupad sang eroplano malapit sa Bulkan kasubong man ang pagpatigayon sang mga hiking activities.
