Nagpakita na sa kapulisan ang stepfather ni Pearl Joy Galve para maghatag sang statement sini.
Sa interview sang Bombo Radyo kay Negros Occidental Police Provincial Office (NOCPPO) Director Police Col. Rainerio de Chavez, nagpalapit si Rene John Nasis alyas ‘Negro’ sa Criminal Investigation and Detection Group (CIDG) para maghatag sang statement apang wala naman ini ginhold sang kapulisan bangod nga wala sang warrant of arrest.
Madumduman nga kapin sa pito ka adlaw nga wala nagpakita si Nasis sa pamilya sini nga sa karun ginakabig na ini nga person of interest sa pagpatay sa iya manak.
Madumduman nga nagpahayag si Nasis nga ginahulat lamang sini nga magtawhay ang sitwasyon antes magbalik sa iya pamilya kag nagapangita lamang ini sang tawo nga iya masaligan nga makabulig sa iya sa pagklaro sang iya bahin.
