Bangud sa malain nga panahon nga tuga sang Bagyong Enteng pila sa mga airlines ang nagcancel sang ila nga flight kahapon.
Isa na diri ang alas 4:25 sang hapon nga flight sang Philippine airlines, kag isa sa mga apektado amo si Barangay Sincang-Airport Punong Barangay Atty. Caesar Distrito.
Sa interview sang Bombo Radyo Bacolod kay Atty. Caesar Distrito, spokesperson ni Bacolod City Mayor Alfredo “Albee” Benitez, madamo sang flight ang nacancel kag may yara man sang nadelay bangud sa malain nga tyempo dala sang Bagyong Enteng.
Kaupod niya kahapon ang pila ka mga opisyales sang Rotary Club kag si Negros Occidental Board Member Richard Julius Sablan, ang Presidente sang Liga ng Mga Barangay.
Suno diri, ibutang pa kuntani sila sang airline sa alas 9:00 sang gab-i nga flight ukon subong pa nga adlaw apang wala sila nagsugot.
Nag-insistir ini nga dapat makapauli gid sila kahapon gani ginpangitaan sila sang airline sang paagi, kag natigayon nga mapasakay sa flight sang Air Asia.
Pasado alas 8:00 kagab-i naghugpa sa Bacolod–Silay International Airport ang eroplano nga ginsakyan ni Distrito kag sang mga kaupdanan sini.
