Nagapabilin nga sirado ang Strait of Hormuz apisar gin-anunsyo na nga may yara sang duha ka semana nga ceasefire.
Santo sa isa ka Iranian state TV, may una na nga barko nga nag-attempt maglabay sa nasambit nga alagyan matapos ang ceasefire agreement, apang suno sa isa ka source, nagpamahog ang mga Iranian navy nga gub-on ang mga barko nga malabay.
Suno sa isa ka senior Iranian official, lauman nga liwat na nga magabukas ang Strait of Hormuz sa Byernes antes pa man ipatigayon ang peace talks, apang nagakinahanglan gihapon sang permiso gikan sa Tehran agud luwas nga makalabay.
Suno naman kay Trump, lakip sa two-week ceasefire deal ang pagbukas sang Strait of Hormuz.
Samtang, pila na ka mga barko ang luwas nga nakalabay sa nasambit nga kadagatan sa idalom sang ‘ safe-passage agreements’ sa pila ka mga pungsod nalakip na ang India kag Iraq.
