Luyag sang alkalde sang ciudad sang Bacolod nga mafocus sa Quality over Quantity ang pagpatigayon sang Street Dance and Arena Competition sa Masskara Festival 2024.
Santo sa final kag official schedule sang activities, ang grand countdown salubong ang patigayunon sa Oktubre 11 sa Bacolod City Government Center.
Pito tanan ka mga brgy ang magapa-indis-indis sa Street Dance and Arena Competition.
Ini ang ginalakipan sang defending champion nga Barangay Granada, Barangay Bata, Barangay 6, Barangay 12, Barangay 18, Barangay 21 kag Barangay 35.
12 ang Barangay nga nagsignify nga luyag magpasakop apang ang iban ang wala nakapasar bangod wala pa nakakumpleto sang liquidation sang nakaligad nga gastos.
Ang tagsa ka Barangay nga magapasakop ang makabatun sang financial subsidy nga P700,000.
Samtang napulo naman ang nakapasar para sa Electric Masskara nga ginalakipan sang barangay 19, 5, 17, 39, 29, 10, 8, 36, 11 kag Brgy Pahanocoy kun sa diin magabaton sang financial subsidy nga P300,000 ang kada brgy.
Suno kay Councilor Jason Villarosa, chairperson sang Committee on Tourism sa Sangguniang Panlungsod, tuyo sang ciudad nga mas masadya sangsa nakaligad ang selebrasyon sang Masskara Festival subong.
Samtang, wala pa sang official announcement kun sin-o sa first family ang magapadulong diri sa ciudad.
Ginatun-an pa man ang approval sang signal jam kag nagrequest na sang gunban, apang lauman nga may yara sang road closure nga patigayunon.
