Padayon ang monitoring sang Anti Mendicancy Task Force sang Bacolod City sa mga street dwellers sa ciudad.
Suno kay Wendy Castro, focal person sang Anti Mendicancy Task Force, sila nagpatigayon sang mapping sa mga street dwellers sa dalan sang ciudad kag nakalista sang 157 ka mga indibidwal.
Suno diri, kalabanan sa mga ini ang mga residente sang ciudad nga wala na nagapauli pa sa ila nga mga puluy-an kag mas ginpili nga magtinir sa dalan.
Suno kay Castro, iban sa mga rason nila amo nga mas matawhay kag komportable sila nga magtulog sa dalan sangsa balay nila nga maggahod kag magin-ot.
Iban sa mga street dwellers ang may pamliya, mga kabataan kag may yara man sang senior citizen.
Samtang, may yara man sang naggikan sa iban nga banwa kag ciudad nga nagatrabaho sa Bacolod kag bangod nga wala sang pulian, mas ginpakamaayo na lamang nga magtulog sa dalan.
Pahayag ni Castro, padayon ang monitoring kag pagkuha sang mga impormasyon sa mga street dwellers apang tinutuyo nila nga makakas ang mga ini sa dalanon ilabi na nga nagahilapit ang Masskara Festival.
