May palagas pa nga benepisyaryo sang libre nga wheelchair kasunod sang natapos nga Bombo Medico 2019 nga gin-patigayon sa Negros Occidental Multi-Purpose Activity Center (NOMPAC) sadtong Hulyo 14.
Kahapon sang hapon, personal nga nag-padulong sa estasyon sang Bombo Radyo Bacolod si Esperanza Pagapang, residente sang Purok Sto. Niño, Barangay Handumanan, upod ang iya tiya nga benepisyaryo nga si Matilde Cayo nga nastroke agud i-claim ang wheelchair.
Emosyonal naman si Pagapang bangud nag-paminsar sila nga wala nalawagan ang pangalan sang iya tiya.
Apang sang sila ang gin-pahibalo sang ila pastor nga nalawagan ang pangalan sang iya tiya, tuman gid ang ila kalipay kag nakatulo gid ang luha ni Nanay Matilde.
Nagaguba-guba naman suno kay Pagapang ang ila radyo rason nga wala nila nabatian nga nalawagan gali ang pangalan sang iya tiya nga isa sa maka-avail sang wheelchair.
Bangud sini, tuman gid ang pag-pasalamat nila sa Ginoo, kag sa talatapan sang Bombo Radyo Philippines nga wala gid naga-untat sa paghatag sang bulig sa mga naga-pamigado.
