Dako ang kalipay sang mga studio draw winners sang Swerte sa Palengke Promo 2024 sang Bombo Radyo kag Star FM, sa pagbatun sang ila premyo kaina sang aga.
Nagbaton sang P5,000 ang first prize winner nga si Honey Grace Morante sang Purok Saturn, Barangay Handumanan, Bacolod City pinaagi sa proof of purchase sini nga Surf Powder.
Si Morante ang may 1 year old nga bata kag nagatrabaho bilang sastre, samtang e-bike driver naman ang iya nga bana.
Natabuan gid nga wala ini sang kwarta sang may nagpahibalo sa iya nga siya ang first prize winner.
Ang nadag-an ang ibakal sini sang groceries sa sulod sang balay kag bugas nga tilig-angon.
Nagbaton naman sang P4,000 ang second prize winner nga si Leah Beboso sang Purok Abkasa, Barangay Mandalagan, Bacolod City pinaagi sa proof of purchase nga Orocan.
Suno diri, ginpangamuyo gid sini sa Ginoo nga siya ang makadaog bangod na-ospital ang iya duha ka kabataan bangod sa pabalik-balik nga hilanat tuga sang dengue.
Matapos ang pagbatun sang premyo, gilayon man ini nga naglakat agud mapacheck-up kag mapalaboratory ang iya kabataan.
Samtang nagbatun naman sang P3,000 ang third prize winner nga si Romeo Alunar sang Purok Kasagingan, Barangay Banago, Bacolod City pinaagi sa proof of purchase nga Surf Powder.
Tuman ang kalipay ni Alunar bangod kinahanglan gid sini ang kwarta.
Ang cash nga nabatun ang iya ibakal sang kinahanglan sa balay, kasubong man sang bugas kag sud-an.
Isa sa mga winners amo si Ruzzel Dela Cruz sang Para 1 Taloc, Bago City pinaagi sa proof of purchase nga R. Florete Pawnshop and Jewelry.
Si Dela Cruz ang may tatlo ka kabataan nga edad 9, 6 kag isa ka lapsag.
Suno diri, ang cash nga nadag-an ang ibakal sini sang mga gawion sa sulod sang balay, kasubong man sang magamit sa pag-eskwela sang duha sini ka estudyante.
Igabakal naman sang bulong ni Melinda Villanueva sang Purok Greenfield, Barangay Tangub, Bacolod City, ang nadag-an nga premyo pinaagi sa proof of purchase nga Revicon.
Suno kay Villanueva, 70 anyos, single, natabuan gid nga siya ang nagatrangkaso sang magdaog sa promo gani ang nadag-an nga kwarta ang iya nga igabakal sang bulong.
Ini ang una nga beses nga siya ang nakadaog sa promo.
Ibakal naman ni Jennie Lentija sang Bakyas Laurel, Brgy Mansilingan, Bacolod City sang school uniform sang iya senior high school nga bata ang nadag-an sini nga cash pinaagi sa proof of purchase nga Surf Powder.
Si Lentija ang Job Order employee sa Libertad Public Market kag may tatlo ka kabataan kun sa diin ang isa ang senior high school student ang isa ang special education (SPED) student kag ang agot ang 5 anyos.
Nagpangagda man ang mga tagdaog sa iban nga magpasakop man sang promo kun luyag nga magdaog kaangay sa ila.
